Edgar Calabia Samar

is creating Janus Sílang, Kasaysayan ng Kalibutan, and 6 other series
Select a membership level
BAGANI
$1
per month

You are a true warrior of literature. With this support, you get access to:


  • 101 Hakbang sa Pagsusulat ng Nobela, a guide on writing a novel; almost a step-by-step manual from preparations to actual writing to revisions up to publishing; includes notes on the life and art of writing––dedicated to young, aspiring, and beginning writers;


  • Buwan sa Santinakpan, a monthly update on my current projects, including some insights on my creative process; and


  • Artsibong Atísan, an archive of annotated versions of my previously published shorter works, posted here somewhat chronologically beginning with my juvenilia from 1994 onwards; each work includes complete original bibliographic information and some relevant notes on its writing, publication, and reception.
PÚSONG
$3
per month

You are a time-traveling reader. With this support, you get access to:


  • EVERYTHING that a BAGANI gets PLUS:


  • TALArchives, monthly insider’s news and updates on Janus Silang series, plus some early book drafts, detailed outlines, and unpublished materials related to the series; and


  • Previews of book sections or chapters of all my future books, including Janus Silang books, at least a month before a book is released.
DIWATA
$5
per month

You are a protector and professor of the creative realms. With this support:


  • You have access to EVERYTHING that a BAGANI & a PÚSONG get PLUS you can get access to:


  • Alternatibong Aralin, a series on trying to educate oneself; mostly teaching strategies and notes on Filipino literary and artistic works, but sometimes delves into other disciplines and cultures that are necessary to understand what it means to be human;


  • Kasaysayan ng Kalibutan, a bimonthly serialization of my latest high fantasy series set in the alternate Kalibutan; if you love Janus Silang, I am hoping you'd also love this larger epic, which is probably my most ambitious project to date; and


  • You can have your name in the acknowledgment section of one of my future books after every year of being a Diwata patron.

18

patrons

About Edgar Calabia Samar


(Ako at ang tiyanak, guhit ni Sean Sonsona. Guhit naman ni Mervin Malonzo ang mga tiyanak sa cover photo sa itaas, mula sa libro kong Walong Diwata ng Pagkahulog.)

Kumusta ka? Kung nakarating ka rito, malamang na kilala mo na ako o nabasa mo na ang alinman sa mga libro ko. O naligaw ka minsan sa aking TwitterIG, o Facebook page kung saan may link ng page na ito. O talagang fina-follow mo ako. Pero kung hindi mo pa ako kilala, ako si Edgar Calabia Samar, may-akda ng ilang aklat ng tula, nobela, sanaysay, at ng seryeng Janus Silang. (Maaari mong tingnan ang Goodreads author page ko para sa aking mga libro.) Tubong-San Pablo ako at kasalukuyan ding Associate Professor sa Ateneo de Manila University, pero narito ako ngayon sa Japan bilang Visiting Professor sa Osaka University.

Sinubukan ko itong Patreon noong September 2018 para tingnan kung mayroon bang susuporta sa mga ginagawa ko sa ganitong paraan. Sa palagay ko, pangarap ng sinumang manunulat na ibuhos ang lahat ng oras niya sa pagsusulat, pero isang bagay itong mahirap gawin dahil kinakailangan ding maghanapbuhay. Hindi na bago sa atin na napakahirap buhayin ang sinuman ng basta pagsusulat, lalo pa ng pagsusulat ng panitikan. Siguradong maaawa kayo sa mga may nobela o aklat ng tula kapag nalaman ninyo kung magkano lang ang royalty na natatanggap ng writer sa bawat libro. Kung tutuusin, mapalad na ako na ang naging propesyon ko ay pagtuturo ng panitikan at malikhaing pagsulat na hindi naglayo sa akin sa pagsusulat. Kahit hindi ko pinangarap na maging guro (dahil ang totoo, hindi ako sanay magsalita sa harap ng ibang tao), minahal ko rin ang pagtuturo, lalo pa ang pagkakataong ibinibigay nito para makaharap at makausap ang mga kabataan tungkol sa mga bagay at librong minamahal at pinapahalagahan ko.

Pero hindi pa rin nawawala ang paminsan-minsang pangangarap ng mga maghapon na wala akong iniisip kundi ang nobelang isinusulat. Magpapatuloy pa rin naman ako sa pagsusulat kahit walang sumusuporta, tulad ng ginawa ko noong simulang-simula, at tulad ng ginagawa ko sa pagsisimula ng bawat akdang hindi ko alam kung may maglalathala ba o may magbabasa. Pero napakalaki ng pasasalamat ko sa lahat ng mga nagbabasa ng aking libro, pumupunta sa mga book launch ko at talk, nagpo-post online ng kanilang pagpapahalaga sa mga akda ko, nagpapadala ng personal na mensahe, at nagrerekomenda ng mga libro ko sa mga kaibigan nila at kakilala dahil hindi pa rin matatawaran ang lakas na ibinibigay noon para magpatuloy sa isang gawain na hindi naman sentro ng buhay ng malaking bahagi ng mundo.

Pero ngayon, ibang uri ng pagsuporta naman sa manunulat ang pagkakataong ibinibigay ng Patreon. Hindi ito tulad ng basta pagbili ng libro ko––bagaman muli, napakalaking bagay niyon at iyon lang ay sapat na para sa kahit na sinong manunulat. Ang pagsuporta rito ay isang pagpapahayag ng pagtitiwala na maaari pa akong magsulat ng mga bagong libro, isang pagtutulak sa akin na magsulat pa ng bagong akda. Ang pagsuporta rito ay tuwirang pagsasabi sa akin na interesado ka sa mga bago kong kakathain at naniniwala kang kailangan kong magpatuloy. Na handa ka pang makinig. Na handa ka pang magpatangay sa mga ibang daigdig. Dahil diyan, nagpapasalamat ako sa lahat ng hindi nagdalawang-isip maging patron simula noong 2018, at sa iyo, kung sakaling iniisip mong sumuporta rin dito para sa mga bago kong proyekto.

Bilang patron, may walong serye akong maaari mo subaybayan dito sa aking Patreon site. Bawat serye ay lumalabas nang isang beses isang buwan simula Nobyembre 2019, maliban sa high fantasy novel na Kasaysayan ng Kalibutan na lumalabas nang dalawang beses sa isang buwan.

Lahat ng BAGANI PATRONS ay magkakaroon ng access sa:

Buwan sa Santinakpan. Ito ang buwanan kong update tungkol sa buhay-buhay na nanunulay sa pagitan ng personal at propesyonal na buhay. Sisikapin kong makapagbahagi rito ng mga development sa mga kasalukuyang proyekto at ng mga aspekto ng aking malikhaing proseso na maaaring makatulong sa sarili ninyong paglikha. Lumalabas tuwing ika-2 ng buwan.

Artsibong Atisan.
Ito ang dokumentasyon ng aking previously published shorter works mula sa ilang juvenilia noong 1994 hanggang sa mga tula, sanaysay, at maikling kuwento na nalathala sa iba’t ibang journals, anthologies, magazines, diyaryo, atbp. May kasama rin itong anotasyon tungkol sa kondisyon ng pagkakasulat sa mga akda. Lumalabas ito tuwing ika-4 ng buwan.

101 Hakbang sa Pagsusulat ng Nobela.
Para ito sa mga nagsisimulang manunulat na gustong magsulat ng nobela. Gabay ito at mga praktikal na hakbang mula sa paghahanda hanggang mismong pagsusulat hanggang sa rebisyon at hanggang sa paglalathala ng nobela. Lumalabas ito tuwing ika-18 ng buwan.

Lahat naman ng PÚSONG PATRONS ay magkakaroon ng access sa tatlong series sa itaas plus:

TALArchives.
Lahat ito ng may kinalaman sa Janus Silang. Excerpts, napakaraming BTS, deleted sections, plans, studies, mga hindi ginamit na illustrations at materials, interviews, at iba pa. Kung fan ka ng series, gugustuhin mong magkaroon ng access sa mga ito. Lumalabas ito tuwing ika-6 ng buwan.

Lahat naman ng DIWATA PATRONS ay magkakaroon ng access sa apat na series sa itaas plus:

Kasaysayan ng Kalibutan. Ito ang isang bagong-bagong high fantasy series na isinusulat ko ngayon at kasalukuyan ding isineserye sa Liwayway magazine. Nauuna nang isang buwan ang bawat installment dito bago malathala sa Liwayway. May projection ako na kapag natapos ay magiging anim na massive na libro itong nakalunan sa isang alternate Kalibutan. Kung binabasa ninyo ang Janus Silang series, may idea na kayo tungkol sa Kalibutan pero siguradong napakaraming hindi pa ninyo alam. Magustuhan at subaybayan din sana ninyo ito rito sa Patreon bago ito malathala bilang mga libro. Lumalabas ito tuwing ika-10 at ika-26 ng buwan.

Alternatibong Aralin.
Serye ito na ginawa ko para sa mga devoted na guro at mag-aaral ng Panitikang Filipino at iba pang mga disiplina na makatutulong upang maging mas malawak at malalim ang pagpapahalaga natin sa ating kasaysayan, kultura, at pagkatao. Papaksa ito ng iba't ibang bagay na ang layunin ay higit nating mapagmunian ang mga bagay na kritikal sa ating pagpapakatao. Lumalabas ito tuwing ika-22 ng buwan.

Lahat naman ng BATHALA PATRONS ay magkakaroon ng access sa limang series sa itaas plus:

1001 Pinoy Komiks.
Ito ang aking encyclopedic series sa mga nobelang komiks sa Filipinas. Bawat isyu ay nagtatampok sa isang nobelang komiks, kasama ang mahahalagang impormasyon, tulad ng may katha’t guhit, ang petsa ng publikasyon at pinaglathalaan, kasama ang maikling buod ng kuwento, kopya ng unang labas, at mga dagdag na tala na mahalagang pag-isipan kaugnay ng nobela. Lumalabas ito tuwing ika-14 ng buwan.

Teorya ng Unang Panahon. Ito ang ikatlong aklat ng aking Trilohiya ng mga Bilang pagkatapos ng Walong Diwata ng Pagkahulog at Sa Kasunod ng 909. Kung nagustuhan ninyo ang unang dalawang nobela, magustuhan n’yo rin sana ang nobelang ito kung saan muling magbabalik si Teresa! Magustuhan din sana ninyo ito bago malathala ang libro. Lumalabas ito tuwing ika-28 ng buwan.

Mayroon ding SANTINAKPAN PATRONS na may access sa walong series sa itaas at may pagkakataong magpa-workshop sa akin kada buwan ng 10 tula o 2 prosa (kuwento o sanaysay) o kombinasyon ng 5 tula at 1 prosa.

Nasa paliwanag sa bawat TIER kapag nag-pledge ka ang iba pang perks na maaari mong makuha maliban sa access sa mga series na ito, tulad ng paggamit ng pangalan mo sa isa sa aking mga katha, paglalagay ng pangalan mo sa acknowledgment page ng aking libro, atbp.

Kung nakarating ka sa bahaging ito, maraming salamat! Sigurado naman akong kung hindi ka talaga mahilig magbasa, imposibleng pumunta ka man lang dito sa Patreon ko. Ngayong narito ka na, samahan mo sana ako sa mga susunod ko pang kakathaing mundo. Magkita-kita tayo sa loob at labas ng Santinakpan nating kagila-gilalas!

Recent posts by Edgar Calabia Samar